Tujhe tu mil jaaye
                                 ------------------


                     Is duniya ko kisi aur ki nazar se to dekh
                     Kya pata tere sawaal, sawaal na rah jaayen

                     Kisi ke mukh per ek muskaan laaker to dekh
                   Kya pata teri zindagi hi ek muskaan bann jaaye

                        Kisi ki galti ko maaf karke to dekh
                       Kya pata wo galti, galti na reh jaaye

                  Ae zaalim, bahot himmat dikhaayi hai tune ab tak
                          zindagiyon ko tabaah karne mein

                        Bas ek baar ye koshish karke to dekh
                   Wo kehte hain "Himmat-i-Mardan, Madad-e-Khuda"
                      Dikha de ki ye kabhi namumkin nahin tha
                           Kya pata tujhe tu mil jaaye!!




                                                - Pankajpreet Kaur
                                                  Dec 27 2007